«Ардақлаў – 2017» сыйлықлаў мәресими Бердақ атындағы Қарақалпақ мәмлекетлик академиялық музыкалы театрында болып өтти.

    26 январь, 2018 280 qqr Qoraqalpog'iston yangiliklari

    Өткен 2017-жыл даўамында елимизде мәденият, көркем өнер, дөретиўшилик, журналистика, спорт тараўларында белсендилик көрсетип атырған тараў пидәйыларын, сондай-ақ, елимиз мәденияты ҳәм көркем өнериниң  раўажланыўында өз үлесин қосып киятырған талантлылардың мийнетлерин баҳалаў, оларды қоллап-қуўатлаў арқалы бул инсанларға еле де күш­-ғайрат ҳәм қанат бағышлаў салтанатлы иләждың баслы мақсети.

    Салтанатлы мәресиминде жәми 38 номинация бойынша түрли талант ийелери жеңимпаз болды. Келтирип өтетуғын болсақ, «Көркем өнерге пидә өмир» еслеў номинациясы бойынша Б.Мурадов ҳәм О.Мурадова, «Жылдың ең жақсы көркем өнер жәмәәти» номинациясы бойынша Бердақ атындағы Қарақалпақ мәмлекетлик академиялық музыкалы театры, «Жылдың ең жақсы классик қосық атқарыўшысы» номинациясы жеңимпазы  Т.Дошумова, «Жылдың ең жақсы миллий қосық атқарыўшысы» Г.Айымбетова, «Жылдың ең жақсы музей хызметкери П.Хожаметова, «Жылдың ең нураный көркем өнер устасы» И.Хожаметов, «Жылдың ең жақсы ансамбли» «Айқулаш жулдызлары» ансамбли, «Жылдың ең жақсы театр режиссёры» Ы.Айбатов, «Жылдың ең жақсы мәденият бөлими баслығы» Н.Қалмуратова, «Жылдың ең жақсы кино хызметкери» Б.Низаматдинов, «Жылдың ең жақсы театр актёры» П.Қулимов, «Жылдың ең жақсы художниги» З.Саипов, «Жылдың ең жақсы театр актрисасы» Г.Жуманиязова, «Жылдың ең жақсы халық театры» Шымбай районлық мәденият бөлими халық театры, «Жылдың ең жақсы балетмейстери» С.Дүйсенбаев, «Жылдың ең жақсы ер аяқ ойыншысы» Р.Шыразов, «Жылдың ең шебер аяқ ойыншысы» З.Жақсыбаева, «Жылдың ең жақсы мәденият хызметкери» А.Минажатдинова, «Жылдың ең жақсы мәденият билимлендириў мәкемеси» Нөкис мәденият ҳәм көркем өнер колледжи, «Жылдың ең жақсы шайыры» Ж.Өтениязов, «Жылдың ең жақсы журналисти» Д.Абибуллаев, «Жылдың ең белсенди телевидение баслаўшысы» Л.Сейданова, «Жылдың ең жақсы радио журналисти» Ш.Жуманиязов, «Жылдың ең жақсы ағла устазы» Ж.Хожанов, «Жылдың ең жақсы композиторы» С.Қосекеев, «Жылдың ең жақсы спортшысы» Т.Тиркашев, «Жылдың ең үлгили балалар музыка ҳәм көркем өнер мектеби»    12-санлы балалар музыка ҳәм көркем өнер мектеби, «Жылдың ең жақсы спорт маликасы» А.Алланазарова, «Жылдың ең үлгили мәденият бөлими» Елликқала районы мәденият бөлими, «Жылдың ең жақсы китапханашысы» А.Ахетова, «Жылдың ең жақсы халық ансамбли» «Тумарис» халық ансамбли, «Жылдың ең жақсы фольклор жәмәәти» «Мухаллес ансамбли», «Жылдың ең белсенди қосықшысы» М.Нуржанова, «Жылдың ең белсенди мәдений иләжларды шөлкемлестириўши жәмәәт» 22-санлы балалар музыка ҳәм көркем өнер мектеби, «Жылдың ең жақсы ер эстрада атқарыўшысы» Ш.Нуратдинов, «Жылдың ең жақсы қыз эстрада атқарыўшысы» Г.Утепова, «Жылдың ең жақсы әскерий қосық атқарыўшысы» А.Қирғизбаев, «Жылдың ең жақсы қосықшысы» номинациясы бойынша Г. Мунтеевалар жеңимпаз деп табылды ҳәм шөлкемлестириўшилер тәрепинен таярланған диплом ҳәм басқа да саўғалар менен сыйлықланды.

             Сыйлықлаў мәресиминдеги номинациялар  бойынша театрымыз талантлыларынан «Жылдың ең жақсы художниги» З.Саипов, «Жылдың ең жақсы театр актрисасы» Г.Жуманиязова, «Жылдың ең жақсы балетмейстери» С.Дүйсенбаевлардың жеңимпаз болыўы ҳәм баслысы «Жылдың ең жақсы көркем өнер жәмәәти» номинациясы бойынша театрымыздың жеңимпаз деп табылыўы үлкен қуўаныш. Солай екен, театрымыз жәмәәти еле де буннан да бийик шыңларға, мәртебелерге ерисиў ушын тынбай мийнет ете береди. Мәдениятымыз ҳәм көркем өнеримиздиңн раўажландырыўда ҳешқашан шаршамайды ҳәм  елимиз даңқын дүнья еллерине танытады.

    Салтанатлы түрде өткерилген мәресимде номинация жеңимпазларын Қарақалпақстан Республикасы Жоқарғы Кеңеси комитет баслығы Д.Қурбаниязов, Қарақалпақстан Республикасы Министрлер Кеңеси Баслығының орынбасары М.Жуманов, Өзбекистанға хызмет көрсеткен артист Р.Ярашева, Қарақалпақстан Республикасы «Нураный» қоры баслығы, Қарақалпақстан халық жазыўшысы Ш.Уснатдинов, Қарақалпақстан Республикасы Мәденият министри П.Айтмуратов, Өзбек миллий драма театры директоры, Өзбекистанға хызмет көрсеткен артист Ф.Маъсудов,  Өзбекистан Республикасы көркем өнер академиясы Қарақалпақстан Республикасы бөлими баслығы У.Өтегенова, Өзбекистан ҳәм Қарақалпақстан халық артисти П.Мадреймов, Өзбекистан ҳәм Қарақалпақстан халық артисти, Бердақ атындағы мәмлекетлик сыйлықтың лауреаты Н.Аңсатбаев, Өзбекистан халық артисти Э.Комилов, Қарақалпақстан Республикасы жазыўшылар аўқамы баслығы, Қарақалпақстан халық шайыры К.Каримов, Қарақалпақстан телерадиокомпаниясы баслығы Қ.Нағметов, Қарақалпақстан журналистлер аўқамы баслығы К.Реймов, Бердақ атындағы Қарақалпақ мәмлекетлик академиялық музыкалы театры дирижёры, Өзбекистан ҳәм Қарақалпақстан көркем өнер ғайраткери, Бердақ атындағы мәмлекетлик сыйлықтың лауреаты Қ.Заретдинов, Қарақалпақстан Республикасы Спорт комитетиниң баслығы Ғ.Байниязов, Қарақалпақстан Республикасы Руўхыйлық ҳәм ағартыўшылық орайы баслығы Қ.Юсупов, Өзбекистан Жаслар Аўқамы Қарақалпақстан Республикасы бөлими баслығы А.Данияров, Қарақалпақстан халық артисти Р.Сапарова, Өзбекистанға хызмет көрсеткен артист А.Набиев, Қарақалпақстанға мийнети сиңген медицина хызметкери М.Турымбетовалар анықлап берди ҳәм жеңиппазларды қолға киргизген табыслары менен қутлықлады.

    Шынында да, қайсы тараўда болмасын, елимиз раўажланыўында  өз үлеслерин қосып киятырған талантлы инсанларымыз бизиң мақтанышымыз есапланады. Әлбетте, бундай хошаметлеў ҳәм ўақтында мийнетлерин баҳалап сыйлықлап барыў  олардың өз исине жуўапкершилик ҳәм, ең баслысы қанат қомлап пәрўаз етиўинде  оларға күш-жигер бағышлайды.

    Салтанатлы түрде өткерилген сыйлықлаў мәресими Республикамыз көркем өнер шеберлериниң концерт бағдарламасы менен даўам етти ҳәм кеше қатнасыўшыларына өзгеше заўық бағышлады.

     

     

     

     

     

     

     

     

     

     

     

     

     

    шаблоны для dle 11.2
все шаблоны для dle на сайте newtemplates.ru скачать