«Миллий армиямыз – жаслардың мәртлик, жигерлилик ҳәм ерлик мектеби!»

    19 январь, 2018 217 qqr Qoraqalpog'iston yangiliklari

     

    Салатанатлы байрам мүнәсибети менен өткерилген мәжилисте Қарақалпақстан Республикасы Жоқарғы Кеңеси баслығы, Әскерий ҳәкимшилик секторы баслығы Муса Ерниязов, Арқа-батыс әскерий округи баслығы Ф.Артиков, сенаторлар, Олий мәжилис ҳәм Жоқарғы Кеңес депутатлары, ҳүкимет басшылары, ҳуқық қорғаў уйымы басшылары, офицерлер менен сержентлар, әскерий хызметкерлер менен олардың шаңарақ ағзалары қатнасты. Мәжилис Өзбекистан ҳәм Қарақалпақстан Республикаларының мәмлекетлик гимнлери менен басланды. Кешени Арқа-батыс әскерий округы баслығы Ф.Артиков кирис сөз бенен ашты ҳәм басқарып барды. Иләжда Қарақалпақстан Республикасы Жоқарғы Кеңеси баслығы Муса Ерниязов Өзбекистан Республикасы Президенти, Қураллы күшлери бас сәркардасы Ш.Мирзиёвтың Өзбекистан Қураллы күшлери дүзилгенлигиниң 26 жыллығы ҳәм 14-январь Ўатан қорғаўшылары күни мүнәсибети менен жоллаған байрам қутлықлаўын оқып еситтирди.

    Байрам қутлықлаўында келтирип өтилген халқымыздың бахытлы ҳәм абадан турмысы, елимиз тынышлығын сақлаўда мәрт, ержүрек ҳәм батыр әскерлеримиздиң орны айрықша екенлиги, оларға деген беккем исенимниң жоқарылығы сыяқлы кеўиллерге күш-жигер бағышлаўшы қатарлар ўатанымыз қорғаўшыларын өзгеше руўхландырды. Сондай-ақ Республикамыз басшысы  Қарақалпақстан Республикасы Жоқарғы Кеңеси ҳәм Министрлер Кеңеси атынан ўатан қорғаўшыларын уллы сәне менен қутлықлады ҳәм   Ҳүрметли Президентимиздиң басшылығында елимиздиң қорғаныў потенциалын еле де күшейтиў, қураллы күшлеримизди және де беккемлеў бойынша алып барылып атырған жумысларды айрықша атап өтти. Салтанатлы иләжда Өзбекистан Республикасы Президентиниң пәрманы ҳәм Қарақалпақстан Республикасы Жоқарғы Кеңеси Президиумының қарары тийкарында бир қатар ўатан қорғаўшылары мәмлекетлик сыйлықлар менен сыйлықланды. Буннан кейин, Өзбекистан Республикасы Миллий қәўипсизлик хызмети, Қорғаныў ҳәм Ишки Ислер Министрлии тәрепинен шөлкемлестирилген бир қатар таңлаўларда жеңимпаз болған хызметкерлерге  диплом ҳәм баҳалы саўғалар тапсырылды. Буннан соң сыйлықланғанлардан бир қатар әскерий хызметкерлер шығып сөйлеп, елимиз тынышлығы ҳәм бахыт ығбалы жолын көкирегин қалқан етип хызмет етиўден шаршамайтуғынлың, бул жолда жан тәни менен ўатанды қорғаў деген әдиўли миннетти атқарыўда бар күшин жумсап, аянбай мийнет ететуғынлығын айтып өтти. Соңынан әскер анасы И.Сейтназарова шығып сөйлеп, елимизде көрсетилип атырған итибар ҳәм айрықша ҳүрмет ушын өз миннетдаршылықларын билдирди ҳәм жыйналғанларды байрам менен қутлықлады.

     Ҳақыйқатында да бахытлы турмысымыз, тынышлық ҳам татыўлықтың шарапаты менен әзийз ел азаматларының, ўатан қорғаўшыларының мийнетлери баҳаланып, оларға кең имкәниятлар ҳәм барлық шәрт-шараятлар жаратылмақта. Ҳүрметли Президентимиздиң тиккелей басламасы менен оларға барлық қолайлықларға ийе көп қабатлы хызмет үйлериниң берилиўи ҳәм профилактика инспекторларының ҳәр бирине жеке автомашиналардың берилиўи көрсетилип атырған шексиз ғамқорлық ҳам итибардың айқын мысалы.

             Өткерилген байрам салтанаты Республика көркем өнер шеберлериниң атқарыўындағы концерт бағдарламасы менен даўам етти. Байрам жыйналғанларда жақсы тәсир қалдырды.

     

     

     

    шаблоны для dle 11.2
все шаблоны для dle на сайте newtemplates.ru скачать