«Өнери –өшпес тулға»атлы көргизбе ашылды

    13 февраль, 2019 19 qqr Qoraqalpog'iston yangiliklari

    Көргизбеден музей фондында  сақланып атырған художниктиң 50 ге жакын театр эскизлери, жеке картиналары ҳәм художниктиң өмириндеги әжайып ўакыяларға бай дәўирди сәўлелендирген архив суӯретлер де орын алған.

    Кыдырбай Саипов 1939 жыл 10 сентябрде Қарақалпақстанның Шымбай районында дүньяға келген. Сүўретлеў өнерине балалық гезлеринен қызығыўшылығы жоқары болған жас талант ийеси 1952-1957 жыллар аралығында П.П.Бенков атындағы Ташкент мәмлекетлик көркем өнер билим журтында живопись бөлиминдеП.Петров, Ю.Елизаров сыяқлы күшли педагог устазлар қолында тәлим алады. 1957 жыл өзиниң тематикалык картинасы «Бозатаў» атлы диплом  жумысы менен Саипов билим дәргайын жоқары баҳалар менен тамамлайды. Усы жылы ол Нөкисте сол ӯақыттағы К.С.Станиславский атындағы мәмлекетлик  музыка драма ҳәм комедия театрында (ҳәзирги Бердақ атындағы академиялық музыкалы драма театры) художник сыпатында жумыс баслайды. Бир жылдан соң оған театрдың бас художниги лаўазымы бериледи. Саипов театрда ең дәслеп Т.Алланазаровтың «Бахыт» (1957) атлы тарийхый көтерилис темасына арналған спектакль ушын безеў жумысы менен ис баслаған болса, кейинги жылларда Ж.Аймурзаевтың  «Бердақ» (1958), К.Винников ҳәм Ю.Оскаровлардың «Ақ лотосгүллери»  (1959), Н.Дәўқараевтиң «Алпамыс», (1961), И.Юсуповтың «Қырыққыз» (1963), К.Листовтың «Куба қызы» (1963), Т.Кайыпбергеновтың «Қарақалпаққызы» (1967), И.Максумовтың «Наўайы Астрабадта» сыяқлы спектакллердиң безеў жумысларын алып барды. Ол 15 жыллық театрдағы қысқа жумыс ислеген дәўиринде 50 ден аслам спектакллерди безеп сахналастырыўға еристи.

    Художник театрдағы жумысы менен бирге жеке дөретиўшиликти тең алып барыўға ҳәрекет еткен. Дөретиўшиниң портрет ҳәм пейзаж жанрларындағы картиналары өзине тән сызықлар, реңлер уйлесими, жылўалы көринислери менен айрықша көзге тасланады. «Кеш. Жарқын гүз» (1961), «Күн батыўы», «Автопортрет» (1961), «Кунниң қызарып батыўы» (1968), «Кыз портрети» (1961), «Б.Матчанов портрети» (1961)сыяқлы шығармалар дахудожниктиң қаншелли дәрежеде бай талант ийеси болғанлығын көриўимизге болады. 

     

     

     

     

     

     

    Бүгинги көргизбеде көркем-өнер ықласбентлери ҳәм жас әўлад сүўретлеў өнери тарийхында өзиниң қысқа өмири даўамында өшпес из қалдырыўға ерискен көркем-өнер ғайраткери Қ.Саиповтың жоқарыда келтирип өтилген мийнетлери менен танысыў имканиятына ийе болады. Биз бул  көргизбe арқалы тек ғана дөретиўшиниң жаратқан шығармаларын тамашагөйлер нәзерине усынып қоймастан,онын жаратып кеткен бай мийрасларын келеси әўладқа жеткерип бериўди ҳәм оның ийгиликли жумысларын үлкен бир мектеп сыпатында оларға үлги сыпатында көрсетиўди мақсет еткенбиз. Әлбетте, Қ.Саипов дуньядан ерте өткенлигине қарамастан, оны биз ҳәзирги күнде ҳеш екиленбестен үлкен устаз художниклер қатарына коя аламыз, себеби, оның ислеген мийнетлери миллий сүўретлеў өнеримиздиң тийкарын салыў ушын хызмет етти.

                                     

    Н.Джиенбаев

    шаблоны для dle 11.2
все шаблоны для dle на сайте newtemplates.ru скачать