"МИЛЛИЙ МИЙРАСЛАРДЫҢ КАЙТА ТИКЛЕНИЎИ" атамсында көргизбе

    22 декабрь, 2018 82 qqr Qoraqalpog'iston yangiliklari

    Музейлер халық мийрасының бай ғәзийнеханасы болып,бунда өтмишти көз алдымызда сәўлелендиретуғын қол өнери дөретпелериниң  кестешилик үлгилери сақланады.Бундай  дөретпелер бир неше әсирлик тарийхқа ийе болып  ата-бабалардың бизге  қалдырған бийбаха миллий мийраслары болып есапланады.Ғәрезсизлик дәўиринде усындай  мийрасларды уйрениў ҳәм айта тиклеўге айрықша итибар  берилип,өнерли инсанларға,миллий мийрасларды қайта тиклеў ушын көплеген мумкиншиликлер жаратылды.  Республикамызда  «Өнермент» бирлеспеси шөлкемлестирилип,оның  ағзалары 5 жылға шекем  мәмлекетлик салықтан азат етилиўиниң нәтийжесинде өнерментлердиң саны көбейди.

     

    Мине,усындай өнерментлер қатарында  Жулдыз Срашова ҳәм Гумисай Раметуллаевалар көргизбеге өзлериниң  нағыслы  миллий кийимлер топламы менен қатнаспақта.Булар ҳәзирги заманға ылайык буйымларды ислеп халыкка хызмет көрсетпекте. Ең баслысы қарақалпақ кестешилигиндеги нағыслардың атамасын , сабақ ренлерин,тигис усылларын  дурыс сақлаған ҳалда қайта тиклеп,бул  бағдарда айтарлықтай жетискенликлерге еристи.

     

     

     

         «Өнермент» бирлеспесиниң ағзасы Жулдыз Срашова шеберлик сырларын анасы Отарбаева Дарийхадан  уйренип  бүгинги күнде өзиниң қолдан кестелеген  бир қатар  миллий  нағысларды заманагөйлестирип қолланған кийимлер топламы менен  көплеген жарыс ҳәм фестиваллар жеңимпазы. Көргизбеге Республикалық «Өнермент» бирлеспесиниң және бир ағзасы Гумисай Раметуллаева да  өзиниң қолдан кестелеп тиккен бир неше миллий кийимлери менен қатнасты. Еле мектепте оқып журген ўақытларында-ақ мийнет сабағында устазының уйреткен нағысларын қунт пенен уйренген Гумисай музейге тез-тез келип көк көйлек,қызыл киймешектеги  ғайры нағыслардың әлўан дөнип турғанын ықлас пенен  көрип,кестели кийимлерди жаңа көринисте тигиўди махсет етти.Қалалық,Республикалық көлемде өткерилген көплеген жарысларда   Қарақалпақ Мәмлекетлик университети,сондай-ақ өзи жасайтуғын мәкан пухаралар жыйыны атынан қатнасты. 2009-2018 жыллар аралығында өткерилген «Он бармағы өнерли қарақалпағым» таңлаўында, «Саўкеле –қарақалпақ ҳаял-қызларының миллий бас кийими»мастер курсында, «Қадр-Қимматим ва ифтихоримсан мустақил Ӯзбекистон» көрик фестивалында, Республикалық Камолот жаслар ҳәрекети шөлкемлестирген «Юрт келажаги», «Жас исбилермен-журт таянышы»таңлаўларында 1-2 орын,Ташкент қаласында өткерилген «Ғәрезсиз журт өнерментлери» көргизбесинде, «Ташаббус» 2011,2012   таңлаўларына қатнасып диплом ҳәм сертификатлар ийеси болды., Ал.»Ташаббус-2018» Республикалық таңлаўында «Ең жақсы өнермент»  номинациясы менен 3 орынды алып, диплом менен баҳалы саўға менен сыйлықланды. Ол ҳәзирги кунде жас қызларға кесте тигиў бойынша  устаз-шәкирт сабақларын  уйретип атыр.  Гумисай  кестелеген  кийимлер менен бирге сувенир буйымлар ҳәм қурақтан исленген, музейдеги туп нусқалар  тийкарында тигилген  керги,шанашлар оның көп излениў ҳәм уйрениўлериниң нәтийжеси екени анық.

     

     

    шаблоны для dle 11.2
все шаблоны для dle на сайте newtemplates.ru скачать