Қанлыкөл районында «Etno Karavan Saray» фестивалы болып өтти.

    28 май, 2018 77 qqr Qoraqalpog'iston yangiliklari

    Фестиваль даўамында,  мийманлар район аймағындағы туризм бағдарындағы қарар талаплары негизинде туристлерди тартыў, саяхатшыларға тәбият қойнында дем алыўлары ушын  қолайлы шараятлар жаратыў, келешекте туризмди  раўажландырып дүньяға танытыўда исленип атырған жумыслар барысы менен танысыў мақсетинде, райондағы «Тайыр Қарахожа» пал ҳәррешилик, «New Golden Lake» балықшылық, «Alim Seyis» жылқышылық «Қайпназарова Саёра» шарўашылық фермер хожалықларында болды ҳәмде аймақтағы «90-жыллар» мүзейин тамашалады.

    Сондай-ақ, усы күни Уллы Жипек жолы бойындағы заманагөй ҳәм миллий «Arba» этномәдений орайының ашылыў салтанаты өткерилди.

    Бул жерде, мийманларға халықлар дослығы проектинде қурылған мәдений орайда қоңсылас қарақалпақ, өзбек, түркмен, қазақ миллетлерине тән қара үйлери тигилип, қара үйлерде 4 миллеттиң миллий тағамларынан таярланған көргизбелер ҳәмде жанлы ҳаўазда атқарылған миллий қосықлары инәм етилди ҳәм «Alim Seyis» жылқышылық хожалығында «Шопан қыялы» сахналық көрниси жыйналған мийманларға инәм етилди.

    Буннан кейин «Бахытлы» дем алыў паркинде «Qonlikul fashion night» модалар көргизбеси өткерилди.

    Қарақалпақстан Республикасында биринши рет Қанлыкөл районында шөлкемлестирилген көргизбеде Нөкис қаласы, қоңсылас районларынан келген жас дизайнер, модельер қызлар өзлериң коллекциялары менен қатнасты.

    Көргизбе даўамында, белгили исбилермен, өнермент, дизайнер  Айзада Нурумбетованың «Карақалпақ қызлары» коллекциясында  қарақалпақ халқының миллий кийимлери көргизбеси инәм етилди.

    Бир күн даўамында өткерилген фестиваль, Өзбекстан ҳәм Қарақалпақстан халық артистлери менен талантлы жаслардың гала концерти менен жуўмақланды.

    Фестиваль даўамында, «Uzbekiston airways» журналы директоры Б.Наимов, «poprobitel.uz» сайты редакторы Л.Николенка, «Дунё бўйлаб» ҳәм Қарақалпақстан телевидениеси  «Jaslar TV» телеканаллары менен интернет журналистлери қатнасты.

     

     

     

     

     

     

    шаблоны для dle 11.2
все шаблоны для dle на сайте newtemplates.ru скачать