“Концерт-томоша фаолиятини лицензиялаш тўғрисида низомни тасдиқлаш ҳақида”

    25 апрель, 2018 61 jizzax Jizzax hujjatlari

    Ўзбекистон Республикаси Вазирлар Маҳкамасининг

    қарори

    Концерт-томоша фаолиятини лицензиялаш тўғрисидаги низомни тасдиқлаш ҳақида

     

    (қарор номи Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда),  (Ўзбекистон Республикаси қонун ҳужжатлари тўплами, 2003 й., 21-сон, 213-модда; 2005 й., 27-сон, 191-модда; 2006 й., 20-21-сон, 181-модда; 46-47-сон, 458-модда; Олий Мажлиси палаталарининг Ахборотномаси, 2007 й., 6-сон, 306-модда; Ўзбекистон Республикаси қонун ҳужжатлари тўплами, 2009 й., 52-сон, 560-модда; 2012 й., 6-сон, 57-модда; 12-сон, 130-модда, 44-сон, 507-модда; 2014 й., 31-сон, 380-модда)

    Мазкур қарор Ўзбекистон Республикаси Вазирлар Маҳкамасининг 2015 йил 9 декабрдаги 354-сонли «Концерт-томоша фаолиятини амалга ошириш тартибини янада такомиллаштириш чора-тадбирлари тўғрисида»ги қарорига асосан ўз кучини йўқотган.

     

    «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 5-моддасига мувофиқ Вазирлар Маҳкамаси қарор қилади:

    1. Қуйидагилар:

    Концерт-томоша фаолиятини лицензиялаш тўғрисидаги Низом 1-иловага мувофиқ;

    (1-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    Олдинги таҳрирга қаранг.

    (1-банднинг учинчи хатбошиси Ўзбекистон Республикаси Вазирлар Маҳкамасининг 2012 йил 15 мартдаги 72-сонли қарорига асосан ўз кучини йўқотган — ЎР ҚҲТ, 2012 й., 12-сон, 130-модда)

    1. Белгилаб қўйилсинки, гастроль-концерт фаолиятини, шунингдек тўй, юбилей ва бошқа тантаналарга концерт хизмати кўрсатишни ҳамда грампластинкалар, аудио-видеокассеталар ва лазерли дискларни ишлаб чиқиш, ишлаб чиқариш, ёзиш, кўпайтириш ва сотиш фаолиятини амалга ошириш ҳуқуқи учун ушбу қарорнинг 1-бандида кўрсатилган низомлар кучга киргунгача берилган лицензиялар уларнинг амал қилиш муддати ўтгунгача ҳақиқий ҳисобланади.
    2. Ўзбекистон Республикаси Вазирлар Маҳкамасининг «Эстрада-қўшиқчилик санъатини янада ривожлантириш тўғрисида» 2001 йил 26 июндаги 272-сон ва «Гастроль-концерт фаолияти соҳасида солиқ солишни ва аудио-видеокассеталарни тарқатишни такомиллаштириш чора-тадбирлари тўғрисида» 2001 йил 29 июндаги 285-сон қарорига, 3-иловага мувофиқ ўзгартиришлар киритилсин.
    3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Азизхўжаев зиммасига юклансин.

    Ўзбекистон Республикасининг Бош вазири Ў. СУЛТОНОВ

    Тошкент ш.,

    2003 йил 11 ноябрь,

    498-сон

     

    Вазирлар Маҳкамасининг 2002 йил 11 ноябрдаги 498-сон қарорига
    1-ИЛОВА

     

    Концерт-томоша фаолиятини лицензиялаш тўғрисида

    (илова номи Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й.,

    31-сон, 380-модда)

    Низом

     

    I.Умумий қоидалар

    1. Ушбу Низом Ўзбекистон Республикасида ва унинг ташқарисида концерт-томоша фаолиятини лицензиялаш тартибини белгилайди.

    (1-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Концерт-томоша фаолиятини лицензиялаш «Ўзбекнаво» эстрада бирлашмаси (кейинги ўринларда лицензияловчи орган деб юритилади) томонидан амалга оширилади.

    (2-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Концерт-томоша фаолияти юридик ва жисмоний шахслар томонидан амалга оширилиши мумкин.

    (3-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Концерт-томоша фаолиятини амалга ошириш ҳуқуқига лицензия 5 йил муддатга берилади. Лицензия фақат ижрочиларга — жисмоний шахсларга ва ижодий жамоаларга — юридик шахсларга берилади.

    (4-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Концерт-томоша фаолиятини амалга ошириш ҳуқуқи учун намунавий (оддий) лицензиялар берилади.

    (5-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Лицензия концерт-томоша фаолиятининг 6 рейтинг гуруҳлари бўйича берилади:

    а) I, II, III, IV рейтинг гуруҳлари бўйича:

    якка ижрочи концерти (битта ижрочининг концерт дастури);

    битта жанрнинг икки ёки ундан кўп ижрочиси иштирокидаги концерт дастури;

    турли жанрларнинг бир нечта ижрочилари иштирокидаги концерт дастури;

    б) V ва VI рейтинг гуруҳлари бўйича — тўй, юбилей ва бошқа тантаналарга хизмат кўрсатиш (ресторанлар, қаҳвахоналар, барлар ва хусусий уйларда тўй, юбилей ва бошқа тантаналарга хизмат кўрсатиш), шу жумладан ҳордиқ чиқариш муассасалари (клублар, дискотекалар, ресторанлар, барлар ва қаҳвахоналар)да концерт хизмати кўрсатиш.

    I, II, III, IV рейтинг гуруҳлари бўйича лицензия тўй, юбилей ва бошқа тантаналарга хизмат кўрсатиш ҳуқуқини ҳам беради.

    Лицензия талабгорнинг аризасига кўра лицензия умуман фаолият турига ёки унинг бир қисмига берилиши мумкин.

    (6-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    II.Лицензия талаблари ва шартлари

    1. Қуйидагилар концерт-томоша фаолиятини амалга оширишдаги лицензия талаблари ва шартлари ҳисобланади:

    (7-банднинг биринчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    концерт-томоша фаолиятини амалга ошириш соҳасидаги қонун ҳужжатларига мажбурий риоя қилиш;

    рейтинг гуруҳларидан бири ижрочиларининг лицензияловчи орган томонидан тасдиқланадиган мезонларга ва малака талабларига мувофиқлиги;

    лицензияловчи органга ўтказилган концерт-томоша тадбирлари сони тўғрисида лицензияловчи орган томонидан белгиланадиган шакл бўйича ҳар чораклик ҳисоботлар тақдим этиш.

     

    III. Лицензия олиш учун зарур бўлган ҳужжатлар

    1. Лицензия олиш учун лицензия талабгори — юридик шахс лицензияловчи органга қуйидаги ҳужжатларни тақдим этади:

    а) лицензия бериш тўғрисидаги ариза, унда қуйидагилар кўрсатилади:

    юридик шахснинг номи ва ташкилий-ҳуқуқий шакли, унинг жойлашган жойи (почта манзили), банк муассасасининг номи ва банк муассасасидаги ҳисоб рақами;

    лицензия талабгори амалга оширишни мўлжаллаётган лицензияланадиган фаолият йўналиши.

    (8-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    б) юридик шахснинг давлат рўйхатидан ўтказилганлиги тўғрисидаги гувоҳноманинг нусхаси;

    (8-банднинг «б» кичик банди Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)

    в) лицензияловчи орган томонидан лицензия талабгори аризаси кўриб чиқилганлиги учун лицензия талабгори томонидан йиғим тўланганлигини тасдиқловчи ҳужжат;

    г) ижрочида мусиқа маълумоти мавжудлигини, унинг давлат мукофотлари, мукофотлар, совринлар ва шу кабиларни олганлигини тасдиқловчи ҳужжатлар (гувоҳномалар, аттестатлар, дипломлар)нинг тасдиқланган нусхалари. Истисно ҳолларда (алоҳида иқтидор, талант яққол мавжуд бўлганда) Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи қарорига кўра лицензия олишга ҳужжатлар мусиқа маълумоти мавжудлиги тўғрисидаги ҳужжатлар нусхаларини тақдим қилмасдан қабул қилиниши мумкин.

    д) лицензия талабгори томонидан тузилган ижрочилар репертуари тўғрисидаги маълумотнома;

    е) лицензия талабгорининг малакаси тўғрисида янада яққолроқ тасаввурни шакллантириш мақсадида лицензия талабгори қўшимча равишда мустақил тақдим этишни хоҳлайдиган бошқа ҳужжатлар.

    1. Лицензия талабгори — жисмоний шахс лицензия олиш учун лицензияловчи органга қуйидаги ҳужжатларни тақдим этади:

    а) лицензия бериш тўғрисида ариза, унда қуйидагилар кўрсатилади:

    фамилияси, исми, отасининг исми, фуқаронинг шахсини тасдиқловчи ҳужжатга доир маълумотлар;

    лицензия талабгори амалга оширишни мўлжаллаётган лицензияланадиган фаолият йўналиши ва мазкур фаолият йўналиши амалга ошириладиган муддат;

    (9-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    б) лицензияловчи орган томонидан лицензия талабгори аризаси кўриб чиқилганлиги учун лицензия талабгори томонидан йиғим тўланганлигини тасдиқловчи ҳужжат;

    в) 4х6 катталикдаги 2 дона фотосурат;

    г) ижрочида мусиқа маълумоти мавжудлигини, унинг давлат мукофотлари, мукофотлар, совринлар ва шу кабиларни олганлигини тасдиқловчи ҳужжатлар (гувоҳномалар, аттестатлар, дипломлар)нинг нотариал тасдиқланган нусхалари. Истисно ҳолларда Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи қарорига кўра лицензия олишга ҳужжатлар мусиқа маълумоти мавжудлиги тўғрисидаги ҳужжатлар нусхаларини тақдим қилмасдан қабул қилиниши мумкин.

    д) лицензия талабгори томонидан тузилган ижрочилар репертуари тўғрисидаги маълумотнома;

    е) лицензия талабгорининг малакаси тўғрисида янада яққолроқ тасаввурни шакллантириш мақсадида лицензия талабгори қўшимча равишда мустақил тақдим этишни хоҳлайдиган бошқа ҳужжатлар.

    1. Лицензия талабгоридан мазкур Низомда назарда тутилмаган ҳужжатларнинг тақдим этилишини талаб қилишга йўл қўйилмайди.
    2. Ҳужжатлар лицензия талабгори томонидан лицензияловчи органга бевосита ёхуд олинганлиги тўғрисидаги билдиришнома билан почта алоқаси воситаси орқали етказиб берилади.

    Ҳужжатлар лицензияловчи органнинг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда аризачига юборилади (топширилади).

    1. Ишончсиз ёки нотўғри маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.   IV.Аризаларни кўриб чиқиш ва лицензия бериш ёки лицензия беришни рад этиш тўғрисида қарор қабул қилиш
    2. Лицензия талабгорининг лицензия бериш тўғрисидаги аризаси кўриб чиқилганлиги учун энг кам ойлик иш ҳақининг икки баравари миқдорида йиғим ундирилади.

    Олдинги таҳрирга қаранг.

    Лицензия талабгори берилган аризадан воз кечган тақдирда тўланган йиғим суммаси қайтариб берилмайди.

    (13-банднинг иккинчи хатбоши Ўзбекистон Республикаси Президентининг 2009 йил 22 декабрдаги ПҚ-1245-сонли қарори таҳририда — ЎР ҚҲТ, 2009 й., 52-сон, 560-модда)

    1. Концерт-томоша фаолиятини лицензиялаш ушбу Низомга илова қилинаётган схемага мувофиқ амалга оширилади.

    (14-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Лицензия бериш ёки лицензия беришни рад этиш тўғрисидаги қарор лицензия талабгорининг аризаси барча зарур ҳужжатлар билан бирга олинган кундан бошлаб ўн беш кундан ошмайдиган муддатда қабул қилинади.
    2. Лицензиялар бериш (муддатини узайтириш) тўғрисидаги ҳужжатларни кўриб чиқиш, улар бўйича хулосалар тайёрлаш Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи томонидан амалга оширилади. Миллий эстрада санъатини ривожлантириш ва мувофиқлаштириш кенгаши ҳузуридаги ижодий кўмаклашиш вакиллари гуруҳи мажлислари ўн беш кунда камида бир марта ўтказилади.

    Лицензия талабгорининг барча зарур ҳужжатлар билан биргаликдаги аризаси улар қабул қилиб олинган кунда Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳига кўриб чиқиш учун киритилади.

    Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи тақдим этилган ҳужжатларни ўн кундан ошмайдиган муддатда кўриб чиқади ва улар бўйича лицензия бериш ёки беришни рад этиш тўғрисидаги хулосани тайёрлайди. Хулоса Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи мажлиси протоколи билан тасдиқланади.

    1. Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи лицензия талабгорлари томонидан тақдим этилган ҳужжатларни кўриб чиқиш жараёнида ижрочиларнинг малака (касб) сифатларини баҳолайди ва уларни лицензияловчи орган томонидан тасдиқланган мезонларга ва малака талабларига мувофиқ муайян (биринчидан олтинчигача) рейтинг гуруҳларига киритади.

    Рейтингнинг тўртинчи гуруҳи берилган тақдирда ижрочи фаолиятининг биринчи йилида бошланғич ставка бўйича давлат божи тўланади.

    Лицензиянинг амал қилиш муддатини узайтириш юзасидан ариза берилган тақдирда илгари рейтингнинг тўртинчи гуруҳини олган ижрочига Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи томонидан белгиланган тартибда ё рейтингнинг учинчи гуруҳи берилиши, ёхуд тегишли давлат божи тўлатилган ҳолда рейтингнинг тўртинчи гуруҳи тасдиқланиши, ёхуд у малака талабларига мувофиқ бўлмаганда унинг бундан буён концерт-томоша фаолияти билан шуғулланиш ҳуқуқи рад этилиши мумкин.

    (17-банднинг биринчи ва иккинчи хатбошилари Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи томонидан вокалчи-солистга ва унинг ансамбли аъзоларига ҳар бирининг малакаси ва касб маҳорати даражасига қараб рейтингнинг турли гуруҳлари берилиши мумкин.

    Академик ва халқ бадиий жамоалари томонидан концерт-томоша фаолияти амалга оширилганда Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи томонидан умуман жамоа ва солист учун рейтинг гуруҳи берилиши, шунингдек лицензия бериш учун давлат божи ставкалари алоҳида кўриб чиқилиши мумкин.

    (18-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    1. Лицензияловчи орган беш кун муддатда Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи хулосаси асосида лицензия бериш ёки лицензия беришни рад этиш тўғрисида қарор қабул қилади.

    Лицензияловчи орган лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.

    Лицензия бериш юзасидан қарор қабул қилингани тўғрисидаги билдиришнома лицензия талабгорига банк ҳисоб рақами реквизитлари, давлат божини тўлаш муддатлари кўрсатилган ҳолда ёзма шаклда жўнатилади (тақдим этилади).

    1. Лицензияловчи орган билан лицензиатнинг ўзаро ҳуқуқлари ва мажбуриятларини белгиловчи лицензия битимида қуйидагилар бўлиши керак:

    битимни имзолаган шахсларнинг фамилияси, исми, отасининг исми, лавозими;

    томонларнинг реквизитлари;

    амалга оширилишига лицензия берилаётган концерт-томоша фаолияти рейтинг гуруҳлари ва йўналишлари;

    (20-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    лицензиатга қўйиладиган лицензия талаблари ва шартлари;

    лицензиянинг амал қилиш муддати;

    лицензия битими талаблари ва шартлари бузилганлиги учун томонларнинг жавобгарлиги;

    лицензиат томонидан лицензия битими талаблари ва шартлари бажарилишини лицензияловчи орган томонидан назорат қилиш тартиби.

    Лицензия битими икки нусхада — лицензиат ва лицензияловчи орган учун бир нусхадан тузилади.

    1. Лицензиялар махсус бланкаларда расмийлаштирилади. Лицензия бланкаси намунаси лицензияловчи орган томонидан Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарорига мувофиқ тасдиқланади.

    Лицензиялар бланкалари қатъий ҳисобда турадиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензиялар бланкалари лицензияловчи орган буюртмаси бўйича «Давлат белгиси» давлат-ишлаб чиқариш бирлашмасида босмахона усулида тайёрланади. Лицензияловчи орган раҳбари лицензия бланкалари ҳисобга олиниши, сақланиши ва улардан мақсадли фойдаланилиши учун белгиланган тартибда шахсан жавоб беради.

    Лицензиялар лицензия талабгори томонидан давлат божи тўланганини тасдиқловчи ҳужжат тақдим этилгандан ва у лицензия битимини имзолагандан кейин уч кун муддатда расмийлаштирилади ва берилади.

    1. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида лицензияловчи органга лицензия берилганлиги учун давлат божи тўланганлигини тасдиқловчи ҳужжатни тақдим этмаса ёхуд лицензия битимини имзоламаса, лицензияловчи орган лицензияни бекор қилиш тўғрисида қарор қабул қилишга ҳақлидир.
    2. Лицензия бериш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида белгиланган асослар бўйича рад этилиши мумкин.

    Лицензия талабгори лицензия бериш рад этилиши тўғрисидаги қарор, шунингдек лицензияловчи орган мансабдор шахсининг хатти-ҳаракати (ҳаракатсизлиги) юзасидан қонун ҳужжатларида белгиланган тартибда шикоят қилиш ҳуқуқига эгадир.

    1. Лицензия бериш рад этилиши тўғрисида қарор қабул қилинган тақдирда рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.

    (24-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)

    1. Лицензия талабгори томонидан лицензия бериш рад этилишига асос бўлган сабаблар бартараф этилган тақдирда, ҳужжатлар лицензия талабгорининг аризаси барча зарур ҳужжатлар билан биргаликда олинган кундан бошлаб ўн кундан ортиқ бўлмаган муддатда такроран кўриб чиқилади.

    Бунда такроран тақдим этилган ҳужжатлар Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳига кўриб чиқиш учун улар қабул қилиб олинган кунда тақдим этилади.

    Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи тақдим этилган ҳужжатларни олти кундан ошмайдиган муддатда қайта кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.

    Лицензияловчи орган тўрт кун муддатда Миллий эстрада санъатини ривожлантириш ва мувофиқлаштириш кенгаши ҳузуридаги Ижодий кўмаклашиш вакиллари гуруҳи хулосаси асосида лицензия бериш ёки лицензия беришни рад этиш тўғрисида қарор қабул қилади.

    1. Лицензия талабгорининг аризаси қайта кўриб чиқилганлиги учун йиғим ундирилмайди.

    Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди.

    Лицензия беришни рад этиш тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.

    (26-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарори таҳририда — ЎР ҚҲТ, 2012 й., 44-сон, 507-модда)

     

    V.Лицензияларни қайта расмийлаштириш, уларнинг амал қилиш муддатини узайтириш, дубликат бериш

    1. Лицензиат — юридик шахс қайта ташкил этилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда лицензияловчи органга кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.

    Лицензиат — жисмоний шахснинг фамилияси, исми, отасининг исми ёки турар жойи ўзгарган тақдирда лицензиат қайта рўйхатдан ўтказилгандан кейин бир ой муддатда лицензияловчи органга кўрсатиб ўтилган маълумотларни тасдиқловчи тегишли ҳужжатларни илова қилган ҳолда лицензияни қайта расмийлаштириш тўғрисидаги ариза бериши шарт.

    (27-банднинг биринчи ва иккинчи хатбошилари Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)

    1. Лицензиат лицензия қайта расмийлаштирилгунга қадар унда кўрсатилган фаолият илгари берилган лицензия асосида амалга оширади.
    2. Лицензияловчи орган лицензияни қайта расмийлаштиришда лицензиялар реестрига тегишли ўзгартиришлар киритади. Лицензияларни қайта расмийлаштириш лицензияловчи орган томонидан тегишли ҳужжатлар илова қилинган ҳолда лицензияларни қайта расмийлаштириш тўғрисида ариза олинган кундан бошлаб беш кун мобайнида амалга оширилади.

    Олдинги таҳрирга қаранг.

    Лицензияларни қайта расмийлаштиришда лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим ундирилади.

    (29-банднинг иккинчи хатбоши Ўзбекистон Республикаси Президентининг 2009 йил 22 декабрдаги ПҚ-1245-сонли қарори таҳририда — ЎР ҚҲТ, 2009 й., 52-сон, 560-модда)

    1. Лицензиянинг амал қилиш муддатини узайтириш лицензиатнинг аризасига кўра амалга оширилади. Лицензиянинг амал қилиш муддатини узайтириш тўғрисидаги ариза лицензияловчи органга лицензиянинг амал қилиш муддати ўтгунга қадар икки ойдан кечикмай берилиши керак. Лицензиянинг амал қилиш муддатини узайтириш лицензия бериш учун назарда тутилган тартибда амалга оширилади.
    2. Амал қилиш муддати ўтмаган йўқолган ёки яроқсиз ҳолга келган лицензия ўрнига лицензиатнинг аризасига кўра унинг дубликати берилиши мумкин.

    Олдинги таҳрирга қаранг.

    Лицензия дубликати беришда лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим ундирилади.

    (31-банднинг иккинчи хатбоши Ўзбекистон Республикаси Президентининг 2009 йил 22 декабрдаги ПҚ-1245-сонли қарори таҳририда — ЎР ҚҲТ, 2009 й., 52-сон, 560-модда)

     

    VI.Лицензия талаблари ва шартларига риоя этилишини назорат қилиш

    1. Лицензиат томонидан лицензия шартлари ва талабларига риоя этилишини назорат қилиш лицензияловчи орган томонидан қонун ҳужжатларида белгиланган тартибда амалга оширилади.
    2. Лицензия талаблари ва шартларига риоя этилишини назорат қилишни амалга оширишда лицензияловчи орган ўз ваколатлари доирасида қуйидаги ҳуқуқларга эга:

    лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда режали текшириш;

    лицензия талаблари ва шартлари лицензиат томонидан бузилганлигидан далолат берувчи ҳолатлар мавжуд бўлган тақдирда лицензиат томонидан лицензия талаблари ва шартларига риоя этилишини қонунда белгиланган тартибда режадан ташқари текшириш;

    лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;

    текширишлар натижалари асосида, лицензия талаблари ва шартларининг лицензиат томонидан аниқ бузилишларини кўрсатган ҳолда далолатномалар (маълумотномалар) тузиш;

    лицензиатга аниқланган қонун бузилишларини бартараф этиш мажбуриятини юкловчи қарорлар чиқариш, бундай қонун бузилишларини бартараф этиш муддатларини белгилаш;

    Олдинги таҳрирга қаранг.

    лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисида қонун ҳужжатларида белгиланган тартибда қарор чиқариш ёки судга мурожаат қилиш.

    (33-банднинг еттинчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)

    1. Лицензия талаблари ва шартларига риоя этилишини текширишда лицензияловчи органнинг текширувчи ходимлари томонидан икки нусхада далолатнома тузилади, уларнинг биттаси лицензиатга берилади, иккинчи нусхаси лицензияловчи органда қолади.

    VII. Лицензиянинг амал қилишини тўхтатиб туриш, тўхтатиш, лицензияни бекор қилиш

    1. Лицензияловчи орган томонидан лицензиянинг амал қилишини тўхтатиб туриш ва тўхтатиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22-24-моддаларида назарда тутилган ҳолларда ва тартибда амалга оширилади.

    Лицензияловчи органнинг лицензиянинг амал қилишини тўхтатиб туриш ёки тўхтатиш тўғрисидаги қарори юзасидан судга шикоят қилиш мумкин. Суд томонидан лицензияловчи органнинг қарори асоссиз деб эътироф этилган тақдирда, лицензияловчи орган лицензиат олдида унинг кўрган зарари миқдорида жавоб беради.

    (35-банднинг биринчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)

     

    VIII. Лицензиялар реестри

    1. Лицензияловчи орган концерт-томоша фаолиятининг лицензиялар реестри юритади.

    (36-банднинг биринчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    Лицензиялар реестрида лицензиатлар тўғрисида қуйидаги асосий маълумотлар кўрсатилиши керак:

    юридик шахслар учун — юридик шахснинг номи, унинг ташкилий-ҳуқуқий шакли, почта манзили, телефони;

    жисмоний шахслар учун — лицензиатнинг фамилияси, исми, отасининг исми, унинг паспортига оид маълумотлар, уй манзили, телефони;

    лицензияларнинг берилган санаси ва тартиб рақами;

    лицензияларнинг амал қилиш муддати;

    лицензияларни қайта расмийлаштириш, уларнинг амал қилиш муддатини тўхтатиб туриш ва тиклашнинг асослари ва санаси;

    лицензияларнинг амал қилишини тўхтатиш асослари ва санаси;

    лицензияларни бекор қилишнинг асослари ва санаси;

    дубликат беришнинг асослари ва санаси.

    1. Лицензияларнинг реестрларида мавжуд бўлган маълумотлар лицензияловчи органнинг веб-сайтига жойлаштирилади ва танишиб чиқиш учун очиқ бўлади.

    (37-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)

     

    IX.Давлат божи тўлаш тартиби. Лицензиялашдан тушган маблағлардан фойдаланиш тартиби

    1. Лицензия бериш ёки унинг амал қилиш муддатини узайтириш учун давлат божи ундирилади.

    Лицензия бериш ва унинг амал қилиш муддатини узайтириш учун давлат божи миқдори ҳар қайси лицензия талабгори учун у амалга оширадиган концерт-томоша фаолияти турига ва унга берилган рейтинг гуруҳига қараб белгиланади.

    1. Давлат божи лицензия талабгори томонидан Эстрада санъатини ривожлантириш жамғармасининг депозит ҳисоб рақамига тўланади.

    Давлат божи лицензия берилган муддат мобайнида бир йўла ва чораклар бўйича тўланиши мумкин.

    1. Лицензия талабгорлари ва лицензиатлар аризаларини кўриб чиқишдан тушган маблағлар лицензияловчи орган томонидан лицензиялашни амалга ошириш билан боғлиқ харажатларни қоплаш учун фойдаланилади.
    2. Эстрада санъатини ривожлантириш жамғармаси маблағларидан:

    эстрада фаолиятини ривожлантиришда;

    ёш ижрочиларни рағбатлантириш ва қўллаб-қувватлашда;

    мусиқа танловлари, фестиваллар ўтказишда ва уларнинг ғолибларига мукофотлар беришда;

    умумдавлат тадбирлари ва бошқа байрам тадбирларини ўтказишда;

    «Ўзбекнаво» эстрада бирлашмасининг моддий-техника базасини мустаҳкамлашда фойдаланилади.

     

     

    Концерт-томоша фаолиятини лицензиялаш тўғрисидаги низомга
    ИЛОВА

     

    Концерт-томоша фаолиятини лицензиялаш

    СХЕМАСИ

    (илова Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)

    Олдинги таҳрирга қаранг.

    (2-илова Ўзбекистон Республикаси Вазирлар Маҳкамасининг 2012 йил 15 мартдаги 72-сонли қарорига асосан ўз кучини йўқотган — ЎР ҚҲТ, 2012 й., 12-сон, 130-модда)

     

     

    Вазирлар Маҳкамасининг
    2002 йил 11 ноябрдаги
    498-сон қарорига
    3-ИЛОВА

     

    Ўзбекистон Республикаси Вазирлар Маҳкамасининг «Эстрада- қўшиқчилик санъатини янада ривожлантириш тўғрисида» 2001 йил 26 июндаги 272-сон ва «Гастроль-концерт фаолияти соҳасида солиқ солишни ва аудио-видеокассеталарни тарқатишни такомиллаштириш чора-тадбирлари тўғрисида» 2001 йил 29 июндаги 285-сон қарорларига киритилаётган

    ўзгартириш ва қўшимчалар

    1. Ўзбекистон Республикаси Вазирлар Маҳкамасининг «Эстрада-қўшиқчилик санъатини янада ривожлантириш тўғрисида» 2001 йил 26 июндаги 272-сон қарорида (Ўзбекистон Республикаси ҚТ, 2001 й., 6-сон, 32-модда):
    2. 4-бандда:

    биринчи хатбоши қуйидаги таҳрирда баён қилинсин:

    «Ўзбекнаво» эстрада бирлашмаси Ўзбекистон Республикасида ва ундан ташқарида гастроль-концерт фаолиятини, шунингдек тўй, юбилей ва бошқа тантаналарда концерт хизмати кўрсатиш фаолиятини лицензияловчи орган ҳисобланади»;

    иккинчи хатбошидаги иккинчи жумла чиқариб ташлансин.

    1. 6-банднинг иккинчи хат бошидаги иккинчи гап қуйидаги таҳрирда баён қилинсин:

    «Мазкур гуруҳ хулосаси «Ўзбекнаво» эстрада бирлашмаси томонидан лицензиялар берилиши учун асос ҳисобланади».

    1. Миллий эстрада санъатини ривожлантириш ва мувофиқлаштириш Кенгаши тўғрисида Низомнинг (қарорга 2-илова) 5.6-бандидаги «тўйлар, юбилейлар ва бошқа тантаналарда бадиий хизмат кўрсатиш (концерт қўйиш)» сўзлари «тўй, юбилей ва бошқа тантаналарда концерт хизмати кўрсатиш» сўзлари билан алмаштирилсин.
    2. Миллий эстрада санъатини ривожлантириш ва мувофиқлаштириш Кенгашининг «Ўзбекнаво» эстрада бирлашмаси тўғрисидаги Низомда (қарорга 4-илова):

    2.2-банднинг еттинчи хатбоши қуйидаги таҳрирда баён қилинсин:

    «Ўзбекистон Республикасида ва унинг ташқарисида гастроль-концерт фаолиятини амалга ошириш, тўйлар, юбилейлар ва бошқа тантаналарга концерт хизмати кўрсатиш ҳуқуқи учун Ижодий кўмаклашиш вакиллари гуруҳи хулосалари асосида лицензиялар бериш»;

    3.1-банднинг учинчи хатбоши қуйидаги таҳрирда баён қилинсин:

    «Ўзбекистон Республикасида ва унинг ташқарисида гастроль-концерт фаолиятини, шунингдек тўй, юбилей ва бошқа тантаналарда концерт хизмати кўрсатиш фаолиятини лицензиялашни амалга оширади».

    1. Ўзбекистон Республикаси Вазирлар Маҳкамасининг «Гастроль-концерт фаолияти соҳасида солиқ солишни ва аудио-видеокассеталарни тарқатишни такомиллаштириш чора-тадбирлари тўғрисида» 2001 йил 29 июндаги 285-сон қарорида (Ўзбекистон Республикаси ҚТ, 2001 й., 6-сон,36-модда):
    2. 2-бандда:

    иккинчи хатбоши чиқариб ташлансин;

    учинчи хатбошидаги «гастроль-концерт» сўзлари «концерт-томоша» сўзлари билан алмаштирилсин.

    1. 3 ва 4-бандлар, шунингдек 1 ва 4-иловалар ўз кучини йўқотган деб ҳисоблансин.
    2. 2-илова қуйидаги таҳрирда баён қилинсин:

    «Вазирлар Маҳкамасининг
    2001 йил 29 июндаги
    285-сон қарорига
    2-ИЛОВА

    Концерт-томоша фаолияти билан шуғулланиш ҳуқуқи учун давлат божи

    ставкалари

    ‎‏
    ‎‏Т/р

    Фаолият турлари‎‎‎‏

    Жисмоний ва юридик шахслар учун (бир жисмоний шахс ҳисобига) йиллик бож миқдори, энг кам ойлик иш ҳақининг қуйидагича баравари миқдорида ‎‎

    рейтинг гуруҳлари бўйича‎‎

    I‎‎

    II‎‎

    III‎‎

    IV‎‎

    1.‎

    Ўзбекистон Республикасида ва ундан ташқарида гостроль-концерт фаолиятини амалга ошириш:‎‎

    150‎‎

    75‎‎

    50‎‎

    30‎‎

    якка ижрочи концерти (битта ижрочининг концерт дастури);‎‎

    битта жанрнинг икки ёки ундан кўп ижрочиси иштиро-кидаги концерт дастури;‎‎

    2.‎

    Тўй, юбилей ва бошқа тантаналарда концерт хизмати кўрсатиш:‎‎

    100‎‎

    50‎‎

    25‎‎

    15‎‎

    ресторанлар, қаҳвахоналар, барлар ва хусусий уйларда юбилей тантаналарига хизмат кўрсатиш;‎‎

    ресторанлар, хусусий уйлар, қаҳвахоналар ва барларда тўйларда (никоҳни қайд этиш, ош бериш, кечқурунги никоҳ тўйи, «келин салом», «чарлар», «суннат тўйи» тадбирларига) хизмат кўрсатиш; ‎‎

    ‎‎хордиқ чиқариш муассасалари, клублар, дискотекалар, ресторанлар, барлар ва қаҳва-хоналарда хизмат кўрсатиш.

                                         

    Изоҳ. Рейтингнинг IV гуруҳига киритилган, фаолиятини бошлаётган ижодий жамоалар ва ижрочилар томонидан гастроль-концерт фаолияти билан шуғулланиш ҳуқуқи учун лицензия олишда бож улар давлат рўйхатидан ўтказилган вақтдан бошлаб биринчи йилда бошланғич ставка бўйича тўланади.

    Давлат божи миқдорлари (чораклар бўйича бўлиб-бўлиб тўланганда – давлат божининг тегишли қисми) тўлов кунидаги энг кам ойлик иш ҳақи миқдоридан келиб чиққан ҳолда аниқланади».

     

     

    шаблоны для dle 11.2
все шаблоны для dle на сайте newtemplates.ru скачать